बलिउड अभिनेत्री रवीना टन्डन अभिनीत फिल्म 'पटना शुक्ला' को ट्रेलर सार्वजनिक भएको छ।
सोमबार डिज्नीप्लस हटस्टार युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा एक विद्यार्थीको परीक्षा फलमाथि गरिएको खेलबाडलाई देखाइएको छ। फिल्ममा रवीना वकिलको भूमिकामा देखिएकी छन्।
यो फिल्म अरबाज खानको प्रोडक्सनबाट बनेको हो। विवेक बुढाकोटीले निर्देशन गरेको फिल्ममा रवीनासँगै सतीश कौशिक, चन्दन राय सान्याल, जतिन गोस्वामी, मानव विज, अनुष्का कौशिकलगायत कलाकारको अभिनय छ।
यो फिल्म २९ मार्चदेखि डिज्नीप्लस हटस्टारमा रिलिज हुनेछ।
रवीना आगामी फिल्म 'घुडचडी' र 'वेलकम टु द जंगल' मा देखिनेछिन्।
