अभिनेता प्रदीप खड्का र अभिनेत्री बेनिशा हमालले फिल्ममा जोडी बाँध्ने भएका छन्।
लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्न लागेको फिल्ममा यी दुईले पहिलोपटक सहकार्य गर्न लागेका हुन्।
टाइटल सार्वजनिक गर्न बाँकी रहेको फिल्मको कथा निर्देशक शाहीले नै लेखेका हुन्। शाइ प्रोडक्सन नेपालको ब्यानरमा निर्माण हुने थ्रिलर जनराको फिल्ममा ह्याम्साएर एकाउन्टेनको सहकार्य रहनेछ।
प्रदीप र बेनिशाबाहेक फिल्मको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री 'क्षितिज' ले बताए।
निर्देशक शाहीले यसअघि 'अन्तिम संस्कार' निर्देशन गरेका थिए। उक्त फिल्म गत वर्ष प्रदर्शनमा आएको थियो।
