उपेन्द्र सुब्बाको लेखन एवं निर्देशन रहेको फिल्म 'मनसरा' को टिजर सार्वजनिक गरिएको छ।
बिहीबार युट्युबमा सार्वजनिक टिजरमा फिल्मका मुख्य कलाकारहरू दयाहाङ राई, मिरुना मगर, प्रवीण खतिवडा र मेनुका प्रधानलगायत प्रस्तुत छन्।
यस वर्षको हिट फिल्म 'जारी' पछि उपेन्द्रले 'मनसरा' को लेखन एवं निर्देशन गरेका हुन्। फिल्मको प्रदर्शन मिति यसअघि नै तय भइसकेको छ। आउँदो वैशाख २१ गते फिल्म रिलिज हुनेछ।
सामाजिक कथावस्तु प्रस्तुत गर्ने फिल्ममा शान्ति गिरी, हेमन्त बुढाथोकी, नेनाहाङ राई, विप्लव प्रतीक, जीवन बराल, सुवासचन्द्र खरेल, अनिल सुब्बालगायत कलाकारको पनि अभिनय छ।
कबड्डी फिल्मस प्रोडक्सनको प्रस्तुतिमा फिल्म निर्माण भएको हो। छायांकारसमेत रहेका शैलेन्द्र कार्की फिल्मको निर्माता हुन्।
