गीतकार लिलाराज काम्बाङले २० मिनेटको म्युजिकल फिल्म ल्याएका छन्।
‘छुट्ने बेला’ शीर्षकको म्युजिकल फिल्मको काठमाडौंमा एक कार्यक्रमकाबीच वरिष्ठ गायक तथा संगीतकार दीप श्रेष्ठ, गायिका अन्जु पन्त, गायक शिव परियार लगायतले लोकार्पण गरेका हुन्। यसमा साइराज खाती र मुना ठटालको स्वर छ।
खाती र ठटाल गायन रियालिटी शो मेरो भ्वाइस युनिभर्सका फाइनलिस्ट हुन्।
बेलायत बस्दै आएका गीतकार काम्बाङको शब्द रहेको गीतमा शंकर थापा ‘स्माइल’को संगीत छ। कुशल सिंहले एरेन्ज गरेका छन्।
गणेश शाहीको कथा एवं निर्देशनमा भिडिओ तयार भएको हो।
भिडिओमा सम्राट अधिकारी, प्रतिक्षा लिम्बु, मिन बहादुर गुरुङ, कृष्ण बोहरा, शंकर थापा लगायतको अभिनय छ। भिडिओमा लाहुरेको कथालाई प्रस्तुत गरिएको छ।
विशाल थापाको छायांकन, दिन्शन शाहको सम्पादन रहेको भिडिओ ओएरआर डिजिटलको युट्युब च्यानलमार्फत सार्वजनिक गरिएको हो।
