निर्देशक सुदर्शन थापा र अभिनेत्री पूजा शर्माले निर्माण गर्न लागेको फिल्म 'रावायण' को प्रदर्शन मिति घोषणा गरिएको छ।
आइतबार फागु पूर्णिमाको अवसर पारेर फिल्म २०८१ सालको भदौ २१ गते रिलिज गरिने घोषणा गरिएको हो।
तीजको अवसर पारेर प्रदर्शनमा ल्याइने घोषणा गरिएको फिल्म सुदर्शन थापा प्रोडक्सन र पूजा शर्मा प्रोडक्सनको संयुक्त ब्यानरमा बन्न लागेको हो।
फिल्ममा पूजासहित पल शाह, प्रियंका कार्की, प्रमोद अग्रहरी, निकिता चण्डक, प्रकाश शाह, कैलाश रावल, अर्जुन जगं शाही, शर्मीला मल्ल, प्रदीप ढकाल लगायत कलाकारको अभिनय रहनेछ।
निर्देशक थापाका अनुसार चैत महिनाको तेस्रो सातादेखि फिल्मको छायांकन सुरू गरिनेछ।
शिवम अधिकारीको लेखन रहेको फिल्मलाई सौरभ लामाले खिच्नेछन्।
