नयाँ वर्षको अवसर पारेर चैत ३० गतेदेखि प्रदर्शनमा आउने फिल्म 'द रेड सुटकेस' को टिजर सार्वजनिक गरिएको छ।
सोमबार सार्वजनिक ५२ सेकेन्डको टिजरमा एक व्यक्तिले सुटकेस डोहोर्याउँदै हिँडेको दृश्य देखाइएको छ। रातको समयका दृश्य टिजरमा समावेश छन्।
खुला रहेको सुटकेस बन्द गरेसँगै सकिने टिजर सस्पेन्स खालको बनाइएको छ।
फिडेल देवकोटा निर्देशित तथा लिखित फिल्ममा सौगात मल्ल, प्रविन खतिवडा, विपीन कार्की, सृष्टि श्रेष्ठको मुख्य भूमिका छ। यो फिल्मले विभिन्न अन्तर्राष्ट्रिय महोत्सवमा अवार्ड जितेको छ।
रामकृष्ण पोखरेल, निर्देशन देवकोटासहित शोभा थापा फिल्मको निर्माता हुन्।
