प्रदीप शाहीको निर्देशन रहने साइ-फाई जोम्बी थ्रिलर फिल्मको लाइनअप पूरा भएको छ।
फिल्ममा प्रदीप खड्का, विजय लामा, बेनिशा हमाल, सुनिल थापा, एवन राज उप्रेती, कविता नेपालीलगायत कलाकारको अभिनय रहनेछ।
यस्तै फिल्ममा अभिनेत्री दिया पुन विशेष भूमिकामा देखिनेछिन्। यसैगरी कविता नेपालीले यसै फिल्मबाट डेब्यू गर्दैछिन्। फिल्मको कथा शाहीले नै तयार पारेका हुन्।
फिल्ममा विनोद सुवेदी खत्री 'क्षितिज' कार्यकारी निर्माताका रूपमा रहनेछन्। निर्देशक प्रदीपको गतवर्ष फिल्म 'अन्तिम संस्कार' रिलिज भएको थियो।
शाइ प्रोडक्सन नेपालको ब्यानरमा निर्माण हुने फिल्ममा ह्याम्साएर एकाउन्टेनको सहकार्य रहनेछ।
