सौगात मल्ल, विपीन कार्की र सृष्टि श्रेष्ठ अभिनीत फिल्म 'द रेड सुटकेस' को ट्रेलर सार्वजनिक गरिएको छ।
मंगलबार काठमाडौंमा एक कार्यक्रम आयोजना गर्दै फिल्मको ट्रेलर सार्वजनिक गरिएको हो। सार्वजनिक ट्रेलरमा काठमाडौंबाट बेयुलसम्म एक व्यक्तिले सुटकेस ल्याएको परिवेशलाई देखाइएको छ।
फिडेल देवकोटा निर्देशित तथा लिखित फिल्ममा सौगात मल्ल, प्रविन खतिवडा, विपीन कार्की, सृष्टि श्रेष्ठको मुख्य भूमिका छ। यो फिल्मले विभिन्न अन्तर्राष्ट्रिय महोत्सवमा अवार्ड जितेको छ।
सुशन प्रजापतिको छायांकन गरेको फिल्मलाई समन अलभितिगाले सम्पादन गरेका छन्।
फिल्मलाई आइसफल प्रोडक्सनका लागि रामकृष्ण पोखरेल र शोभा थापाले निर्माण गरेका हुन्। फिल्मको सह-निर्माणमा श्रीलंकाका निर्माता विमुक्ति जयसुन्दरा रहेका छन्।
यो फिलम चैत ३० गतेदेखि प्रदर्शन हुनेछ।
