नेपाली फिल्म 'मीराः स्याडो अफ अ रेन्बो' को ट्रेलर सार्वजनिक गरिएको छ।
मंगलवार सार्वजनिक ट्रेलरमा अटिजम भएकी छोरी र फरक यौन चाहना भएकी आमाको कथा देखाइएको छ। आध्यात्मिक चिन्तनलाई पनि ट्रेलरमा समावेश गरिएको छ।
यो फिल्मलाई अनिता पण्डितले निर्देशन गरेकी हुन्।
फिल्मको प्रमुख अभिनेत्रीसमेत रहेकी उनले एक बच्चामा देखिएको अटिजम (अन्तर्मुखी स्वभाव) र आफ्नो व्यक्तिगत सम्बन्धलाई समाजमा देखाउन खोज्ने एक आमाको सङ्घर्षपूर्ण कथामा फिल्म बनेको बताइन्।
केही लक्षित दर्शकहरूको लागि विशेष प्रिमियर शोको समेत आयोजना गर्ने तयारीमा रहेको उनले जानकारी दिइन्।
फिल्ममा अनितासहित सुरविना कार्की, निशान चौहान, कैलाश रावल, रोशनी कार्की र बाल कलाकार आश्वी घिमिरेको प्रमुख अभिनय छ। अनिता पण्डित र विशाल घिमिरे फिल्मको निर्माता हुन्।
उपयुक्त मिति हेरेर फिल्मलाई हलमा रिलिज गरिने जनाइएको छ।
