केकी अधिकारी निर्मित तथा अभिनीत फिल्म 'बोक्सीको घर' को गीत सार्वजनिक गरिएको छ।
मंगलबार ओएसआर डिजिटलको युट्युबमार्फत 'बुझिनँ मैले' बोलको गीत सार्वजनिक गरिएको हो। गीतमा प्रकाश सपूत र समीक्षा अधिकारीको स्वर छ। गीतको शब्द एवं संगीत प्रकाशले नै तयार पारेका हुन् भने सुदीप सागरले एरेन्ज गरेका छन्।
सुनिल क्षेत्रीले कोरियोग्राफी तथा निर्देशन गरेको भिडिओमा केकी स्वयं प्रस्तुत छिन्। रमा थपलियासहित अन्य कलाकारहरू समेत भिडिओमा देखिएका छन्।
सुलक्षण भारतीको निर्देशनमा बनेको फिल्म 'बोक्सीको घर' वैशाख १४ गतेदेखि प्रदर्शनमा आउँदैछ।
फिल्ममा केकी अधिकारी, सुपला सापकोटा, स्वेच्छा राउत, सुलक्षण भारती रमा थपलिया, सुष्मा निरौला, जीवन बराल, सबिन बास्टोलालगायत कलाकारको अभिनय छ।
बद्री अधिकारी निर्माता रहेको फिल्ममा राज घिमिरे कार्यकारी निर्माताको रूपमा छन्। महिलालाई बोक्सीको आरोप लगाई समाजले उनीहरूमाथि गर्ने शोषणको वरिपरि रहेर फिल्म निर्माण भएको हो।
