सन्तोष सेनको निर्माण तथा निर्देशन रहने फिल्म 'बलिदान' मा अभिनेत्री ऋचा शर्मा अनुबन्धित भएकी छन्।
ऋचासँग कागजी सम्झौता भएको फिल्मका निर्देशक सेनले बताए। तर फिल्ममा ऋचा कुन भूमिकामा देखिँदैछन् भनेर खुलाइएको छैन।
आगामी वर्ष २०८१ मा रिलिज हुने 'बलिदान' बाट अभिनेताको रूपमा समीर भट्टले डेब्यू गर्दैछन्। समीर नेपाली फिल्ममा एक्सन हिरोको रूपमा परिचित विराज भट्टका छोरा हुन्। उनले लामो समयदेखि भारतको मुम्बईमा रहेर अभिनय, मार्सल आर्ट, नृत्य र द्वन्द्वमा तालिमहरू गरिरहेका थिए।
देशको अस्मिता जोगाउन एक युग पुरूष कसरी जन्मिछ भन्ने कथाको वरपर यो फिल्म रहने निर्देशक सेनले बताएका छन्।
आसुसेन फिल्मस प्राली तथा सन्तोष सेनको प्रस्तुति रहने यस फिल्ममा निर्माताको रूपमा पवन ब्राडफोर्ड बिस्ट तथा सह-निर्माता प्रेम पुरी रहेका छन्।
