निगम श्रेष्ठको निर्देशनमा फिल्म 'भाइरल गोर्खे' निर्माण हुने भएको छ।
निर्देशक श्रेष्ठले मंगलबार एक पोस्टर सार्वजनिक गर्दै सौगात मल्ललाई मुख्य भूमिकामा लिएर फिल्म बनाउन लागेको जानकारी दिएका हुन्।
पोस्टरमा अभिनेता सौगात राँगामाथि उभिएर पोज दिइरहेका छन्। जसअनुसार कमेडी जनरामा फिल्म बन्न लागेको अनुमान गर्न सकिन्छ। फिल्मको निर्मातामा विशाल ताम्राकार र महेश लामिछाने छन्। अन्य कलाकारबारे केही खुलाइएको छैन।
निर्देशक निगम श्रेष्ठले पछिल्लो समय फिल्म 'छड्के २' निर्देशन गरेका थिए।
