वैशाख २८ गतेदेखि प्रदर्शनमा आउने तयारीमा रहेको फिल्म 'खजुरे ब्रो' को प्रमोसनल गीत सार्वजनिक गरिएको छ।
बुढासुब्बा डिजिटलको युट्युबमार्फत सार्वजनिक 'मनि मनि' बोलको र्याप गीतमा र्यापर कुशल पोखरेलको स्वर छ। उनकै शब्द रहेको गीतमा केपासको संगीत छ। गीतमा पैसाको बयान गरिएको छ।
फिल्मको प्रमोसनका लागी यो गीत तयार पारिएको लेखक एवं निर्देशक सुरज सुनुवारले बताए।
फिल्म 'खजुरे ब्रो' अहिले चलिरहेका ट्रेन्डभन्दा फरक स्वादको रमाइलो फिल्म बनेको र त्यसको प्रचार छुट्टै शैलीले गरौँ भन्ने योजनाका साथ यो भिडियो निर्माण गरिएको निर्माण टिमले जनाएको छ।
भिडिओमा फिल्मकी अभिनेत्री नीति शाहलाई पैसा उडाइरहेको देख्न सकिन्छ। कलाकारहरू नवीन मानन्धर, रेअर राई, विनिता थापा मगर, महेश त्रिपाठीलगायत पनि भिडिओमा प्रस्तुत छन्। नवीन मानन्धर र सुरज सुनुवार फिल्मको निर्माता हुन्।
धरानका चर्चित व्यक्ति ‘खजुरे ब्रो’ को नाम र उही क्यारेक्टरमा कमेडी जनरामा फिल्म बनेको हो। 'खजुरे ब्रो' को भूमिका रेअर राईले निर्वाह गरेका छन्।
