पूजा गुरुङ र विभूषण बस्नेतले निर्देशन गर्ने फिल्म 'द होलटाइमर्स' को फर्स्टलुक सार्वजनिक भएको छ।
सार्वजनिक पोस्टरमा कलाकारलाई तत्कालीन माओवादी छापामारको हुलियामा प्रस्तुत गरिएको छ। यतिबेला फिल्मको छायांकन अछामको रामारोशनमा भइरहेको छ। फिल्मलाई चिन्तन राजभण्डारीले छायांकन गरिरहेका छन्।
लेस फिल्म डु टम्बाउरले प्रस्तुत गरेको फिल्ममा सशस्त्र द्वन्द्वको कथा देखाइने छ।
फिल्ममा खगेन्द्र महरा, विनोदप्रकाश धामी, लक्ष्मी लिम्बूलगायत कलाकारको अभिनय रहनेछ।
टक्की मुख्य निर्माता रहेको फिल्ममा अभिनेत्री नम्रता श्रेष्ठ, भ्लगर सिसन बानियाँ, कुमुदुनी श्रेष्ठ, सोहम ढकाल, प्रणय पाण्डे, सुरज गिरी, निकुन श्रेष्ठ, सविनजंग पाण्डे, रोमोस शिवाकोटी सह निर्माता हुन्। प्रस्तुतकर्तामा लेस फिल्म डु टम्बाउर छन्।
यो फिल्म सुरूमा फेस्टिभल र त्यसपछि सन् २०२५ मा हलमा रिलिज हुनेछ।
