फिल्म ‘फर्की फर्की’ को शीर्ष गीत सार्वजनिक गरिएको छ।
शनिबार ओएरआर डिजिटलको युट्युबमार्फत सार्वजनिक गीतको भिडिओमा फिल्मका मुख्य अभिनेता अनमोल केसी र अभिनेत्री जसिता गुरूङ प्रस्तुत छन्।
रोमन बज्राचार्य र निकिता थापाले गीतमा स्वर दिएका छन्। गीतको शब्द, संगीत र एरेन्ज रोमनकै हो। भिडिओका कोरियोग्राफर किरण थापा हुन्।
सुयोग गुरूङ निर्देशित 'फर्की फर्की' लाई ओएरआर डिजिटलसँगको सहकार्यमा रोहित अधिकारी फिल्मले प्रस्तुत गरेको हो।
फिल्ममा अनमोल र जसिताका साथमा अभिनेता रवि काफ्ले र अभिनेत्री समृद्धि अर्याल समेत शीर्ष भूमिकामा छन्।
निर्देशक सुयोगकै कथा एवं पटकथा रहेको काल्पनिक र रोमान्टिक जनराको फिल्मले 'टाइम लुप' को कथालाई उठान गरेको छ।
फिल्मको निर्मातामा रोहित अधिकारी र ओमप्रकाश अग्रवाल छन्। नरेन्द्र मैनालीको डिओपी रहेको फिल्ममा अष्ट महर्जनको द्धन्द्ध, सुरेन्द्र पौडेलको सम्पादन छ।
काफिया फिल्मस र कुबेर फिल्मले 'फर्की फर्की' लाई वितरण गर्नेछन्। फिल्म बुद्द जयन्तीको अवसर पारेर जेठ १० गतेदेखि प्रदर्शनमा आउने तयारीमा छ।
