पूजा शर्मा अभिनित फिल्म 'दान्भी' को नयाँ प्रदर्शन मिति घोषणा गरिएको छ।
सोमबार अभिनेत्री शर्माको जन्मदिनको अवसर पारेर निर्माताले फिल्मको नयाँ प्रदर्शन मिति घोषणा गरेका हुन्। यो फिल्म असार ७ गतेदेखि प्रदर्शन हुनेछ।
चलचित्र संघ र वितरकबीचको सहमतिअनुसार नयाँ प्रदर्शन मिति घोषणा गरिएको हो। यसअघि फिल्म जेठ १० गतेदेखि प्रदर्शन हुने भनिएको थियो।
निर्माताले नयाँ प्रदर्शन मितिसहितको पोस्टर सार्वजनिक गरिसकेका छन्। फिल्ममा पूजा र कुन्साङ बमजम मुख्य भूमिकामा छन्। कुन्साङ यसै फिल्ममार्फत डेब्यू गर्दैछन्।
रूपेश तामाङको निर्देशनमा तयार भएको फिल्ममा देव मगर, अनुप गडालको लगानी छ। पवन रानामगर कार्यकारी निर्माता रहेको फिल्ममा कमला लिम्बु, पञ्चबहादुर तामाङ, श्रवणकुमार श्रेष्ठ सह-निर्माता हुन्।
यो फिल्ममा संजोग रानाको संवाद, हरि लामा 'घले' को छायांकन, बन्दे प्रसादको सम्पादन, सत्यम रानाको भिएफएक्स, कविराज गहतराज र राहुल बराइलीको कोरियोग्राफी, श्री श्रेष्ठको एक्सन छ।
नवराज शर्मा मुख्य सहायक निर्देशक रहेको फिल्मका प्रोडक्सन हेड नेत्र विष्ट हुन्।
