शुक्रबारबाट रिलिज भएको फिल्म 'मनसरा' को नयाँ गीत सार्वजनिक गरिएको छ।
फिल्ममा समावेश 'एक तार मनको' बोलको गीत सार्वजनिक गरिएको हो। सार्वजनिक गीतमा हर्क साउदको शब्द र सुशान्त गौतमको स्वर तथा संगीत रहेको छ।
गीतको भिडिओमा 'दधिराम पोखरेल' पात्रमा अभिनय गरेका प्रविण खतिवडा र 'तान्छो' को भूमिकामा बाल कलाकार नेनाहाङ राईलाई देखाइएको छ।
उपेन्द्र सुब्बा निर्देशित फिल्म प्रविण र नेनाहाङसँगै मिरूना मगर, मेनुका प्रधान, दयाहाङ राईलगायत कलाकारको अभिनय छ।
