शुक्रबारदेखि हलमा नयाँ फिल्म रिलिज भएका छन्। नेपाली फिल्म 'खजुरे ब्रो' र बलिउडको फिल्म 'श्रीकान्त' आजबाट प्रदर्शनमा आएका हुन्।
सुरज सुनुवारको लेखन एवं निर्देशन रहेको 'खजुरे ब्रो' मा रेअर राई, नीति शाह, महेश त्रिपाठी, नवीन मानन्धर, विनिता थापा मगर, पुस्कर कार्की, मनिष राउतलगायत कलाकारहरूको अभिनय छ। एक दशक मोडलिङमा बिताएकी नीतिले यो फिल्मबाट अभिनेत्रीका रूपमा डेब्यु गरेकी हुन्।
नवीन मानन्धर र सुरज सुनुवार निर्माता रहेको फिल्ममा डायमण्ड उप्रेती कार्यकारी निर्माता छन्। २ घण्टा ३७ मिनेटको फिल्मलाई कमेडी–ड्रामा जनरामा राखिएको छ। फिल्मले मल्टिप्लेक्स हलमा शोज भने न्यून पाएको छ। अगाडि रिलिज भएका नेपाली फिल्मकै दबदबा हलमा देखिन्छ।
त्यस्तै, बलिउड फिल्म 'श्रीकान्त' बायोपिक हो। तुषार हिरानंदानी निर्देशित फिल्ममा राजकुमार राव, ज्योतिका, अलाया एफ, शरद केलकरलगायतको अभिनय छ।
दृष्टिविहीन उद्योगपति र बोलन्ट इंडस्ट्रीजका संस्थापक श्रीकान्त बोलाको जीवनमा आधारित रहेर यो फिल्म निर्माण भएको हो।
'खजुरे ब्रो' को ट्रेलर
'श्रीकान्त' को ट्रेलर
