सस्पेन्स–थ्रिलर नेपाली फिल्म 'चपली हाइट ३' ओटीटी प्लेटफर्म 'सिनेमाघर एप' मा रिलिज गरिएको छ।
मंगलबार रिलिज यो फिल्म विश्वभरबाट सिनेमाघर एपको प्रयोग गरेर हेर्न सकिने निर्माण टिमले जनाएको छ।
निकेश खड्का निर्देशित फिल्ममा स्वस्तिमा खड्का, अर्पण थापा, महेश त्रिपाठी, लक्ष्मी वर्देवा, आमिर गौतम, प्रतिकमान श्रेष्ठ, दीपाश्री निरौला लगायतको अभिनय छ।
अर्जुन कुमार निर्माता रहेको फिल्म 'चपली हाइट' को तेस्रो शृंखला हो।
वर्ष २०७८ को पुसमा हलमा रिलिज भएको फिल्म त्यसबेला कोभिड महामारीको चपेटामा परेको थियो।
फिल्म दोस्रो पटक सोही वर्षको फागुनमा हलमा रिलिज गरिएको थियो। सो समयमा पनि दर्शकले कोभिड खोप कार्ड अनिवार्य लिएर हल जानुपर्ने भएपछि पुनः समस्या आएको थियो। सोही फिल्म अब भने सिनेमाघर एप मार्फत हेर्न सकिने भएको हो।
सिनेमाघर एपमा यसअघि 'जय भोले', 'कबड्डी ४', 'महापुरूष', 'जारी', 'पानी फोटो' जस्ता फिल्महरू रिलिज भइसकेका छन्।
