दुई फिल्म 'फर्की फर्की' र 'पुजार सार्की' बुद्ध जयन्तीको अवसर पारेर बिहीबारदेखि प्रदर्शनमा आउँदैछन्। दुवै फिल्मको अग्रिम टिकट बुकिङ खुला भइसकेको छ।
राम्रो हाइपका कारण प्रतीक्षित मानिएका दुईवटै फिल्मले उत्साहजनक शोज पाएका छन्।
'फर्की फर्की' लाई देशकै ठूलो मल्टिप्लेक्स चेन क्युएफएक्सले आफ्ना देशभरका आउटलेटमा ६१ शोज उपलब्ध गराएको छ।
आईएनआई, वान सिनेमाज, बिग मुभिज, सिडिसी सिनेमाज लगायतले पनि फिल्मलाई उत्साहजनक शोज दिएका छन्।
यस्तै, 'पुजार सार्की' ले क्युएफएक्समा ५८ शोज पाएको छ। आईएनआई, वान् सिनेमाज, बिग मुभिज, सिडिसी सिनेमाज् लगायतले पनि फिल्मलाई उत्साहजनक शोज दिएका छन्।
रोहित अधिकारी फिल्मस्को प्रस्तुति रहेको 'फर्की फर्की' मा अनमोल केसी, जसिता गुरुङ, रवी काफ्ले, समृद्धि अर्याललगायत कलाकारहरू मुख्य भूमिकामा छन्। फिल्मलाई सुयोग गुरूङले लेखन एवं निर्देशन गरेका हुन्।
दिनेश राउतको निर्देशन रहेको 'पुजार सार्की' मा आर्यन सिग्देल, प्रदीप खड्का, पल शाह, अञ्जना बराईली, परीक्षा लिम्बू लगायतका कलाकारहरू मुख्य भूमिकामा छन्। विकास सुवेदीको लेखन रहेको यो फिल्मको निर्माता सुवास भुसाल हुन्।
'फर्की फर्की' र 'पुजार सार्की' दुवैले राम्रो व्यापार गर्ने अपेक्षा गरिएको छ।
