अभिनेता सुशील श्रेष्ठ अभिनीत फिल्म 'आउट लः दफा २१९' को प्रदर्शन मिति तय गरिएको छ।
बिहीबार फस्र्टलुक पोस्टर सार्वजनिक गर्दै फिल्मलाई असोज ३ गतेदेखि प्रदर्शनमा ल्याइने घोषणा गरिएको हो। सार्वजनिक फस्र्टलुकमा शीर्ष अभिनेता सुशीललाई मात्र प्रस्तुत गरिएको छ। एंग्री अवतारमा प्रस्तुत उनी मेसिनगन बोकेर उभिएका छन्।
स्याडो पिक्चर्स र रेट्रो फिल्मस्को प्रस्तुतिमा रहेको यो फिल्मलाई विक्की महर्जनले लेखन एवं निर्देशन गरेका हुन्।
अमित अग्रहरी निर्माता रहेको फिल्ममा सुशीलसहित नरेश पौडेल, शिक्षा संग्रौला, सुमन भण्डारी, हेम गुरूङ, सोनी लागुनको अभिनय छ। विनोद कडायत र सशांक खड्का कार्यकारी निर्माता रहेको फिल्ममा विकास चौधरी सह–निर्माताको रूपमा छन्।
नविन गुरूङको डीओपी, चुल्ठे काजीको एक्सन, सृजना सुत्रको कास्टिङ रहेको फिल्ममा साहिल खानको सम्पादन छ।
