अभिनेत्री मलिका महतको शीर्ष भूमिका रहेको फिल्म 'सतीदेवी' को टिजर सार्वजनिक गरिएको छ।
शुक्रबार सार्वजनिक टिजरले फिल्मको कथावस्तुबारे संकेत गर्छ। छोराको आशामा छोरी जन्माइरहने र समाजमा छोरीलाई हेलाको सिकार बनाइने विडम्बनापूर्ण परिस्थितिलाई टिजरमा देखाइएको छ।
लेखन एवं निर्देशक लक्ष्मण सुवेदीले छोरीलाई बोझ ठान्ने पितृसत्तात्मक सोचलाई फिल्ममार्फत प्रश्न गरेका छन्। यो नारीप्रधान फिल्मले यसअघि आयोजना गरिएको विशेष शोमा प्रशंसा पाएको थियो भने विभिन्न फेस्टिभलमा अवार्ड समेत पाएको छ।
फिल्ममा मलिकासहित हर्षिका वली, मञ्जिला बानियाँ (बाल कलाकार), सन्दीपबाबु लोहनी, रमेश बुढाथोकी, कुलबहादुर अधिकारी, भोलाराज सापकोटा लगायत कलाकारको अभिनय छ।
निर्मातामा श्रीदेवी, विशाल, दिलासा र सारा सुवेदी छन्।
फिल्म 'सतीदेवी' साउन ४ गतेदेखि प्रदर्शनको तयारीमा छ।
टिजर:
