शुक्रबारदेखि प्रदर्शनको तयारीमा रहेको फिल्म 'दान्भी' ले उत्साहजनक शो पाएको छ।
बुधबारदेखि मल्टिप्लेक्स हलहरूले फिल्मको अग्रिम टिकट बुकिङ खुला गरेका छन्। जसअन्तर्गत क्युएफएक्सनले पहिलो दिनका लागि यो फिल्मलाई काठमाडौंमा १६ र बाहिर ३१ शो उपलब्ध गराएको छ।
आईएनआई, वान सिनेमाज, एफक्युबलगायतका मल्टिप्लेक्स हलमा पनि फिल्मले उत्साहजनक शो पाएको छ।
रूपेश तामाङको निर्देशनमा बनेको ‘दान्भी’ मा अभिनेत्री पूजा शर्माले पहिलोपटक एक्सन भूमिका निर्वाह गरेकी छन्।
उनीसहित कुन्साङ बम्जन, किरण श्रेष्ठ, मोनालिसा खतिवडा, राजाराम पौडेल, कालु राणा, सीता तामाङ लगायत कलाकारको पनि अभिनय छ।
यो साता 'दान्भी' सहित 'आचार्य' र 'शिरफूल' पनि रिलिज हुँदैछन्।
दान्भीले राम्रो शो पाए पनि संगै रिलिज हुन लागेका दुई फिल्म भने सीमित हलमा मात्रै प्रदर्शन हुन लागेका छन्।
