नेपाली फिल्म 'शिरफूल' भोलि रिलिज नहुने भएको छ।
शुक्रबारदेखि प्रदर्शनमा आउने तयारीमा रहेको फिल्मको रिलिज अन्तिम समयमा पोस्टपोन्ड गरिएको हो।
फिल्म साउन १८ गतेदेखि प्रदर्शनमा आउने भएको निर्देशक कमल एक्चै मगरले बताए।
उनका अनुसार फिल्मको प्रचार प्रसारलाई समय कम भएको भन्दै वितरक र निर्माताबीचको सल्लाहमा प्रदर्शन मिति हेरफेर गरिएको हो।
केही वर्षअघि निर्माण भएर अहिले प्रदर्शनमा आउन लागेको 'शिरफूल' सामाजिक कथामा बनेको फिल्म हो।
यसमा रूपा राना, राज थापा, देवराज आले मगर, विनिता थापा मगर, सुनिल रोका, नमिता तामाङ, पुजा गदाल, लिला गुरूङ, निता पुन, किरण मगरलगायतको अभिनय छ। अभिनेत्री मरिष्का पोखरेल विशेष भूमिकामा छिन्।
फिल्ममा निर्माताका रूपमा आशिर्वाद पुन मगर र सह–निर्मातामा माया छन्त्याल पुन रहेका छन्।
