शुक्रबारदेखि प्रदर्शनमा आउने फिल्म 'वर एण्ड वधु' ले हलमा उत्साहजनक शो पाएको छ।
देशको सबभन्दा ठूलो मल्टिप्लेक्स चेन क्युएफएक्सले फिल्मलाई पहिलो दिन देशभरका आउटलेटमा ४३ शो दिएको छ।
काठमाडौंमा २१ र बाहिर २२ शो उपलब्ध गराएको हो। शो केही थपघट समेत हुनसक्छ।
फिल्मलाई बिग मुभिजमा ४ शो दिइएको छ। आइएनआईमा ९ शो दिइएको छ। वान सिनेमाज, बिएसआर लगायतका मल्टिप्लेक्समा पनि शो तय गर्दै बुकिङ खुलाइएको छ।
मिलन चाम्सको निर्देशनमा बनेको यो फिल्ममा आँचल शर्मा, विवेक कर्माचार्य, विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, सृष्टि खड्का, हिमेश पन्त लगायत कलाकारहरूको अभिनय छ। प्रदीप भारद्धाजको लेखन रहेको फिल्मको निर्माता जानुका थापा हुन्।
२ घण्टा २० मिनेटको फिल्मलाई रोमान्टिक–ड्रामा जनरामा राखिएको छ।
