सफलताका साथ प्रदर्शन भइरहेको फिल्म 'छक्का पञ्जा ५' को गीत 'यो माया बनाउने को हो' लाई युट्युबमा रिलिज गरिएको छ।
फिल्म रिलिजको १५ दिनपछि यो प्रेमगीतलाई शुक्रबार युट्युबका दर्शकमाझ ल्याइएको हो।
निशान भट्टराई र अस्मिता अधिकारीको स्वर रहेको गीतलाई डा. कृष्णहरि बरालले लेखेका हुन्। यसमा शम्भुजित बास्कोटाको संगीत छ।
भिडिओमा फिल्मका शीर्ष कलाकार दीपकराज गिरी र वर्षा शिवाकोटी फिचर्ड छन्। उनीहरूबीचको प्रेमभाव गीतमा प्रस्तुत गरिएको छ।
दसैं फूलपातीमा रिलिज 'छक्का पञ्जा ५' ले दुई सातामा १७ करोडमाथिको ग्रस कलेक्सन गरेको छ।
फिल्ममा दीपक, वर्षासँगै केदार घिमिरे शीर्ष भूमिकामा छन्। दीपाश्री निरौलाले फिल्मलाई निर्देशन गरेकी हुन्।
