लेखक छुदेन काविमोको किताब 'उरमाल’ लाई मदन पुरस्कार (२०८१) दिने भएको छ।
शुक्रबार बसेको मदन पुरस्कार गुठीको बैठकले मदन पुरस्कार 'उरमाल’ र जगदम्बा श्री लोकभाका संकलन र संरक्षणमा विशिष्ट योगदान पुर्याएका प्रेमदेव गिरीलाई दिने निर्णय गरेको हो।
लेखक काविमो दार्जिलिङको गोर्खाल्यान्ड आन्दोलनबारे लेखिएको पहिलो उपन्यास 'फातसुङ'बाटै चर्चामा आएका लेखक हुन्। उरमाल उनको दोस्रो उपन्यास हो, जुन चिया टिप्ने श्रमिकहरूको पीडालाई नजिकबाट नियालेर लेखिएको छ।
मदन पुरस्कारको छोटो सूचीमा उरमालसहित थप छ वटा किताब छनोट भएका थिए।
छालबाटोः कैलाशदेखि गंगासम्म (रमेश भुसाल), दर्ज्यु संलाप (कुमारी लामा) पञ्चलत्वको पालाम (मनप्रसाद सुब्बा), बहुरुपी (श्रेयज सुवेदी), भिक्षु, व्यापार र विद्रोहः नेपालको भोट–चीन सम्बन्ध र भारत (सुधीर शर्मा) र हिउँको गीत (तीर्थ गुरुङ) सूचीमा परेका थिए।
-1746009348.jpg)
