बलिउड अभिनेता अनिल कपूरको फिल्म 'नायक' को सिक्वेल बन्ने भएको छ।
सन् २००१ मा प्रदर्शन भएको फिल्म 'नायक' लाई दर्शकले खुब रूचाएका थिए। यसको सिक्वेल सिद्धार्थ र ममता आनन्दको ब्यानर माफ्लिक्स पिक्चर्सबाट बन्ने छ।
भारतीय सञ्चारमाध्यम पिंकभिलाका अनुसार 'नायक २' का लागि कलाकारको खोजी भइरहेको छ।
'नायक' लाई शंकरले निर्देशन गरेका थिए भने यसको सिक्वेललाई मिलन लूथरियाले निर्देशन गर्नेछन्। यसअघि मिलनले 'वान्स अपन अपन अ टाइम इन मुम्बई, द डर्टी पिक्चर, ट्याक्सी नम्बर ९२११, कच्चे धागे' जस्ता फिल्म निर्देशन गरिसकेका छन्। फिल्मको कथा रजत अरोडाले लेखेका हुन्।
यस फिल्ममा अभिनेता अनिल कपूर हुने नहुने बारे खुलाइएको छैन्। फिल्म सन् २०२४ को अन्तिमबाट छायांकनमा जाने बताएको छ।
