पाकिस्तानका सुपरस्टार हुन् फवाद खान। उनी भारतमा पनि परिचित छन्।
उनी सन् २०१६ मा रणबीर कपूरको फिल्म 'ऐ दिल है मुश्किल' मा देखिएका थिए। यो फिल्मपछि दर्शक उनको कमब्याकको पर्खाइमा छन्। उनले ८ वर्षपछि बलिउडमा कमब्याक गर्ने लागेका हुन्।
हिन्दुस्तान टाइम्सका अनुसार उनी रिद्धि डोगरासँग एक रोमकोम फिल्ममा देखिनेछन्। फिल्मका निर्देशकको नाम गोप्य राखिएको छ। यस फिल्मको हालै स्क्रिप्ट लेखन सकिएको छ।
यस फिल्मको केही समयपछि मात्रै छायांकन गरिनेछ। फिल्म सन् २०१६ मा प्रदर्शन हुनेछ।
फवादको पाकिस्तानी फिल्म 'द लिजेन्ड अफ मौला जट्ट' भारतमा रिलिज हुने घोषणा गरिएको छ। उक्त घोषणा गरिएसँगै भारतमा विवाद भइरहेको। केही व्यक्तिहरूले पाकिस्तानका कलाकारविरूद्ध र फिल्मको विरूद्ध जुलुस निकालेका छन्।
