बलिउड अभिनेता सोहम शाह अभिनीत फिल्म 'तुम्बाड' पुन: प्रदर्शन गरिएको फिल्ममा सबैभन्दा धेरै कमाउने फिल्म बनेको छ।
फिल्मले खराब सुरूवात गरेपनि पछि राम्रो कमाइ गरेको थियो। फिल्मले ४५ करोड भारू कमाएको छ। यो फिल्म पहिला रिलिज हुँदा १२ करोड भारू कमाएको थियो।
पुनः रिलिज गरिएको फिल्मको दोस्रो नम्बरमा 'टाइटनिक' छ। यसले १८ करोड भारू कमाएको थियो। 'शोले' ३ डीले १३ करोड भारू कमाउँदै तेस्रो नम्बरमा छ भने चौथोमा 'लैला मजनु' र 'रकस्टार' छ। यी दुवै फिल्मले ४५ दिनमा ११ करोड ५ लाख भारू कमाएको छ।
राही अनिल बर्भे निर्देशित फिल्म 'तुम्बाड' मा सोहम शाह, ज्योति मल्से, धुन्दिराज प्रभाकर, मोहम्मद समाद, रूद्र सोनी, रोन्जीनी चक्रवर्तीलगायत कलाकारको अभिनय छ।
