बलिउड अभिनेता हिमांश कोहलीले विवाह गरेका छन्।
उनले मंगलबार वाणी कोहलीसँग विवाह गरेका हुन्। उनीहरूको विवाह दिल्लीको एक मन्दिरमा भएको हो। विवाह समारोहमा उनीहरूका नजिकका साथी र आफन्त मात्रै उपस्थित थिए।
हिमांशुले आफ्नो विवाहको तस्बिर सार्वजनिक गरेका छैनन्। तर सामाजिक सञ्जालमा उनीहरूको विवाहको तस्बिर भाइरल भइरहेको छ। अभिनेता तुषार कपूरले पनि उनीहरूको तस्बिर पोस्ट गर्दै विवाहको शुभकामना दिएका थिए।
उनले 'यारियां' बाट बलिउडमा डेब्यू गरेका हुन्। उनले 'हमसे है लाइफ', 'जीना इसीका नाम है', र 'रांची डायरीज' जस्ता फिल्ममा अभिनय गरेका छन्।
उनी पछिल्लो समय २०२३ मा रिलिज भएको म्युजिक भिडिओ 'भूल जा' मा देखिएका छन्। यस गीतलाई अरिजीत सिंहले गाएका थिए।
