दक्षिण भारतीय अभिनेत्री नयनतारा, अभिनेता आर माधवन र सिद्धार्थ अभिनीत फिल्म 'टेस्ट' को ट्रेलर सार्वजनिक भएको छ।
मंगलबार नेटफ्लिक्स इन्डिया युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा माया, कर्तव्य, आफ्नो लागि संघर्ष गरेको देखाइएको छ।
एस शशिकान्त निर्देशित फिल्ममा नयनतारा, आर माधवन र सिद्धार्थसँगै नासर, विनय वर्माको पनि मुख्य भूमिका छ। फिल्ममा भारत र पाकिस्तानबीचको म्याचको प्रसंगलाई देखाएको छ।
यो फिल्म ४ अप्रिल २०२५ मा नेटफ्लिक्समा प्रदर्शन हुनेछ। जुन तमिल, तेलुगु, मलयालम, कन्नड र हिन्दीमा रिलिज हुनेछ।
