भारतीय टिभी सिरियल 'क्योंकी सास भी कभी बहू थी' फर्किने भएको छ।
भारतीय सञ्चारमाध्यम नवभारत टाइम्सका अनुसार अब यो टिभी सिरियल ओटिटी वेब सिरिजको रूपमा प्रसारण हुनेछ। सन् २००० देखि २००८ सम्म यस शोको १८३३ एपिसोड प्रसारण भएको थियो।
यतिबेला एकता कपूर तुलसी र मिहिरको जोडी ल्याउने तयारीमा जुटेकी छन्। शो पूर्वमन्त्री तथा भाजपा नेतृ स्मृति इरानीले तुलसी विरानीको भूमिका निर्वाह गरेकी थिइन्। त्यस्तै अमर उपाध्यायले मिहिर विरानीको भूमिका निर्वाह गरेका थिए।
यतिबेला शोको निर्माणको तयारी चलिरहेको छ। योसँगै पूर्वमहिला तथा बाल विकासमन्त्री समेत रहेकी इरानीले आफ्नो पात्र तुलसी विरानीलाई चित्रणको लागि मिहेनत गरिरहेकी छन्।
एकता कपूरले जुन २०२५ मा 'क्योंकी सास भी कभी बहू थी' सिरिज घोषणा गर्ने योजना बनाएकी छन्।
