चर्चित टिभी रियालिटी शो 'बिग बोस' र 'खतरों के खिलाडी' अब कलर्स च्यानलको ठाउँमा सोनी टिभीमा प्रसारण हुने भएको छ।
यो निर्णय मेकर्सले क्रिएटिभ फरकपनको कारण लिएका हुन्। दुवै शो बानीजे एशिया (एन्डमोल शाइन इन्डिया) ले निर्माण गरिरहेको थियो। जोसँग ग्लोबल प्रोडक्सन राइट्स छ।
भारतीय सञ्चारमाध्यम दैनिक जागरणका अनुसार केही समयदेखि कलर्स (वायकम १८) र एन्डमोल शाइन इन्डियाबीच मतभेद चलिरहेको थियो। च्यानलले लगातार शो फर्माटमा हस्तक्षेप गरिरहेको थियो। त्यसैले च्यानल परिवर्तन गरिएको हो।
लामो समयदेखि रियालिटी शो 'खतरों के खिलाडी' बन्द गरिएको थियो। किनकी बानीजे एशिया (एन्डमोल शाइन) ले यस शोलाई निर्माण गर्न अस्वीकार गरेको थियो। यस्तै 'बिग बोस' पनि बन्द गरिने भनिएको थियो। अब च्यानल फेरिएर प्रसारणमा आउने बताइएको छ।
