बलिउड अभिनेत्री कंगना रनावतको फिल्म 'इमरजेन्सी' कानूनी विवादमा फसेको छ।
यस फिल्मलाई लिएर वरिष्ठ पत्रकार तथा लेखक कूमी कपूरले फिल्म निर्माताविरूद्ध उजुरी दर्ता गरेकी छन्। फिल्ममा ऐतिहासिक तथ्यलाई तोडमोड गरेर देखाइएको आरोप छ।
भारतीय सञ्चारमाध्यम दैनिक भास्करका अनुसार कूमी कपूरले कंगनाको प्रोडक्सन कम्पनी मणिकर्णिका फिल्म्स प्राइभेट लिमिटेड तथा स्ट्रीमिङ प्लेटफर्म नेटफ्लिक्समा उनको किताब र नामको गलत प्रयोग भएको आरोप लगाएको छ।
'द इमरजेन्सी: ए पर्सनल हिस्ट्री' की लेखक कूमी कपूरले 'मणिकर्णिका फिल्म्स' र 'पेन्गुइन रेन्डम हाउस' सँग एक कन्ट्रयाक साइन गरेकी थिइन्। जसमा उनको किताबलाई फिचर फिल्ममा रूपान्तरित गर्ने अनुमति दिइएको थियो। अब उनले त्यस एग्रीमेन्टलाई उल्लंघन गरेको आरोप लगाएकी छन्।
एग्रीमेन्टमा फिल्मको प्रचारमा उनको नाम र किताबको नाम उनको अनुमति बिना प्रयोग नहुने बताइएको थियो। तर यस्तो भएन। उनले यो फिल्म आफ्नो किताबमा आधारित रहेको बताएकी छन्।
उनले अप्रिल ३ मा कानूनी नोटिस पठाएकी थिइन्। तर निर्माण टिमले जबाफ दिएनन्।
