बलिउड अभिनेत्री अनुष्का शर्मा आफ्नो फोटो बिना अनुमति पोस्ट गरेको भन्दै रिसाएकी छन्।
अनुष्काले सामाजिक सञ्जालमार्फत खेलकुद ब्रान्ड 'पुमा' प्रति आक्रोश पोखेकी हुन्।
‘बिना अनुमति कुनै पनि ब्रान्ड प्रमोशनका लागि मेरो फोटो प्रयोग गर्न सक्नु हुँदैन। किनकी म तपाईंको कम्पनीको ब्रान्ड एम्बेसडर होइन। कृपया यसलाई हटाउनुस्,’ उनले लेखेकी छन्।
यस खेलकुद ब्रान्ड कम्पनीले सीजन सेलको लागि अनुष्काको फोटो प्रयोग गरेको हो। जुन कम्पनीको उनका श्रीमान तथा क्रिकेटर विराट कोइली ब्रान्ड एम्बेसडर छन्।
विराटले अनुष्का आक्रोशित भएको पोस्टमा लाइक समेत गरेका छन्। तर उक्त ब्रान्डले अनुष्काको फोटो हटाएको छैन।
अनुष्काले ‘बिना अनुमति’ आफ्नो फोटो प्रयोग गरेको प्रतिक्रिया दिएपछि अर्काे भिडिओ पोस्ट गरेकी छन्। जसमा अनुष्का ब्रान्डको बारेमा कुराकानी गरिरहेकी छन्।
भिडिओमा आफ्नो मेकअप गराइरहेकी अनुष्का हेयरस्टाइलिस्ट र मेकअप आर्टिस्टलाई हेर्दै ब्रान्डसँग काम गर्ने बारे आफ्नो विचार राखिरहेकी देख्न सकिन्छ। साथै उनले आफू यस ब्रान्डसँग काम गर्न सुझाव मागेकी छन्।
उक्त भिडिओ बाहिरिएपछि सामाजिक सञ्जाल प्रयोगकर्ताले प्रचारात्मक नौटंकी शैली बताएका छन्।
सोमबार पुमा इन्डियाले आफ्नो आधिकारिक इन्स्टाग्राममा सम्झौता भएको फोटो पोस्ट गरेको थियो। जसमा ‘पुमा एक्स अनुष्का’ लेखिएको छ।
