दक्षिण भारतीय अभिनेता नानीको फिल्म ‘दसरा’को टिजर सार्वजनिक भएको छ।
‘न्याचुरल स्टार’ को उपनामबाट चर्चित नानीको प्रमुख अभिनय रहेको फिल्मको टिजर बाहुबली र आरआरआर फेम्ड निर्देशक एसएस राजामौलीले डिजिटल प्लेटफर्मबाट सार्वजनिक गरेका हुन्।
फिल्म ‘दसरा’ को टिजर र नानीको स्टाइलले साउथको फिल्म ‘पुष्पा’ को झल्को दिनेछ।
टिजरमा एउटा युवा आफ्नो मान्छेका लागि लडिरहेको देखाइएको छ। टिजर कोइलाको थुप्रोले घेरिएको गाउँ वीरलापल्लीबाट सुरू हुन्छ।
भयंकर एक्शन दृश्य र रक्तपात देखाइएको टिजरको अन्त्यमा नानीले धारिलो हतियारले आफ्नो औंला काटेर निधारमा रगतको टीका लगाउँछन्।
पुरै टिजरमा नानीको स्टाइल छ। फिल्म ‘दसरा’मा नानीको लुक्सलाई फिल्म ‘पुष्पा’ मा अल्लु अर्जुनसँग तुलना गरिएको छ।
आगामी मार्च ३० मा रिलिज हुने ‘दसरा’ लाई श्रीकान्त ओडेलाले निर्देशन गरेका हुन्। यसमा साई कुमार, समुथिराकनी र जरीना वहाबको मुख्य भूमिका छ।
सन्तोष नारायणनले संगीत दिएका छन् भेन श्रीलक्ष्मी वेंकटेश्वर क्रिएसन्सका सुधाकर चेरुकुरीले निर्माण गरेका हुन्।
फिल्ममा धनुष, शाहिद कपुर, दुल्कर सलमान र रक्षित सेट्टीजस्ता भारतीय स्टारहरु समावेश छन्।
हेर्नुहोस् टिजर
