कृषा चौलागाईंले निर्देशन गरेको फिल्म 'ऐंचो पैंचो' को गीत सार्वजनिक भएको छ।
बिहीबार ओएसआर डिजिटल युट्युब च्यानलमार्फत फिल्ममा समावेश 'काले केटाले' बोलको गीत सार्वजनिक गरिएको हो। आशिष अभिरल र अस्मिता अधिकारीको स्वर रहेको गीतमा स्वस्तिमा खड्का, मुकुन भुषाल, वर्षा राउत, सुशील सिटौला र एलेक्स विश्वकर्माको नृत्य छ।
एकनारायण भण्डारीको शब्द रहेको गीतमा अशिष अभिरलले संगीत भरेका छन्।
फिल्ममा स्वस्तिमा खड्का, मुकुन भुषाल, वर्षा राउत, कोसिस क्षेत्री, सुशील सिटौला, राजाराम पौडेल, बुद्धि तामाङ, विशाल पहारी, रमेश बुढाथोकी, सरिता गिरी, रविन्द्र झालगायत कलाकारको अभिनय छ।
पुरुषोत्तम प्रधानले छायांकन गरेको फिल्मलाई विपिन मल्ल र भुपेन्द्र अधिकारीले सम्पादन गरेका छन्।
कृषाको यो डेब्यू निर्देशित फिल्म हो। उनले यसअघि ‘इन्साफ, कसम हजुरको, के म तिम्रो साथी बन्न सक्छु र पलाँस’ जस्ता फिल्म निर्माण गरेकी थिइन्।
यो फिल्म भदौ १४ गतेदेखि प्रदर्शन हुनेछ। यहि मितिमा अभिनेता मुकुन भुषालको अर्का फिल्म ‘गणपति’ पनि प्रदर्शन हुने भएको छ।
