पुनम गुरुङको स्वरमा कौडा गीत सार्वजनिक भएको छ।
बुधबार काठमाडौंमा एक कार्यक्रम आयोजना गर्दै 'सोल्टी राजा' बोलको कौडा गीत सार्वजनिक गरिएको हो। गायनमा पुनमलाई दिपेन्द्र गुरुङ, करण मुखिया, विना भट्टराई र मिना श्रेष्ठ मगरले साथ दिएका छन्।
भ्याली फिल्म्स एकेडेमीको सहकार्यमा पुनम भाइन्सको प्रस्तुती रहेको गीतमा शब्द तथा संगीत मिन गुरुङको छ। गीतको भिडिओमा अभिनेत्री मिरूना मगर र मिन गुरुङलाई देख्न सकिन्छ।
भुपेन्द्र गुरुङले निर्देशन गरेको म्युजिक भिडिओलाई मनाङ गुरुङले कोरियोग्राफी गरेका हुन्।
हरिबहादुर गैरेले छायांकन गरेको म्युजिक भिडिओलाई बन्दे प्रसादले सम्पादन गरेका छन्। यो गीत पुनम भाइन्स युट्युब च्यानलमार्फत सार्वजनिक गरिएको हो।
