गायन तथा नृत्य रियालिटी शो 'संगीत स्टार' को तेस्रो संस्करण हुने भएको छ।
पहिलो र दोस्रो संस्करणपछि कोरोनाकालमा रोकिएको टेलिभिजन रियालिटी शो 'संगीत स्टार' लाई निरन्तरता दिन लागेको कार्यक्रम निर्माण कम्पनी संगीत फिल्म्सले जनाएको छ।
गायन र नृत्य विधा जोडिएका क्षमतावान प्रतिभालाई स्थान दिने उद्देश्यले कार्यक्रम आयोजना गर्न लागिएको कार्यक्रम निर्माता तथा प्रस्तोता संगीत बस्यालले बताए।
दशैंपछि सुरू हुने संगीत स्टारको तेस्रो संस्करण अन्तर्गत आगामी कार्तिक २८ देखि पौष २८ गतेसम्मलाई डिजिटल अडिसन तोकिएको छ। डिजिटल अडिसनबाट छनोट भएका उत्कृष्ट प्रतिभाहरूको फिजिकल अडिसन माघ २३ बाट सुरू हुनेछ। फिजिकल अडिसन देशका सातै प्रदेशमा सञ्चालन हुनेछन्।
खुला प्रतिस्पर्धाबाट अडिसन सञ्चालन हुँदा गायन र नृत्य विधामा इच्छुक व्यक्तिले यो प्रतिस्पर्धामा सहभागी जनाउन सक्नेछन्। दुवै शोका विजेताले २५ लाख प्राप्त गर्नेछन्।
