बलिउड अभिनेता शाहरूख खानको फिल्म 'जवान' को तेस्राे गीत सार्वजनिक भएको छ।
मंगलबार टि-सिरिज युट्युब च्यानलमार्फत फिल्ममा समावेश 'रमैया वस्तावैया' बोलको गीत सार्वजनिक गरिएको हो।
अनिरूद्ध रविचन्दर, विशाल ददलानी, शिल्पा रावको स्वर रहेको 'रमैया वस्तावैया' गीतमा शब्द कुमारको र संगीत अनिरूद्ध रविचन्दरको छ। वैभवी मरचन्तले कोरियोग्राफी गरेको गीतको भिडिओमा शाहरूख र नयनतारालाई देख्न सकिन्छ।
एटली कुमारले निर्देशन गरेको फिल्ममा शाहरूखसँगै नयनतारा, विजय सेतुपथी, दीपिका पादुकोणलगायत कलाकारको अभिनय छ। फिल्ममा गौरी खानको लगानी छ।
फिल्ममा शाहरूख डबल रोलमा देखिनेछन् भने नयनतारा पुलिस अफिसरको भूमिकामा देखिनेछिन्। फिल्ममा दीपिका अतिथि भूमिकामा देखिन लागेकी हुन्।
जिके विष्णुले छायांकन गरेको फिल्मलाई रूबेनले सम्पादन गरेका छन्। हिन्दी, तमिल, तेलुगु भाषामा फिल्म ७ सेक्टेम्बरदेखि प्रदर्शन हुनेछ।
