समीक्षा अधिकारी र सुजता केसीको स्वरमा तीज गीत सार्वजनिक गरिएको छ।
गायिका सुजता केसीको युट्युब च्यानलमार्फत 'तीजमा नाच्न हिँडिन्छ' बोलको गीत सार्वजनिक गरिएको हो। गीतको भिडिओमा समीक्षा अधिकारी, सुजता केसी, पुष्प खड्का र किरण केसी फिचर्ड छन्।
अर्जुन पोखरेलको शब्द तथा संगीत रहेको गीतमा पुरुषोत्तम सुवेदीको संगीत संयोजन छ।
नवराज उप्रेतीले छायांकन गरेको गीतलाई शिलन लम्सालले सम्पादन गरेका छन्। गीतको भिडिओलाई माइकल चन्दले निर्देशन गरेका हुन्।
