गीतकार आनन्दराज खनालले नयाँ गीत सार्वजनिक भएको छ।
केही दिनअघि उनले आफ्नै युट्युब च्यानलमार्फत 'तिमीले रोजेको मान्छे' गीत सार्वजनिक गरेका हुन्।
सविन सुवेदी र अनु चौधरीको स्वर रहेको गीतमा दिपक शर्माले संगीत भरेका छन् भने सुशान्त गजुरेलले संगीत संयोजन गरेका छन्। कसैले रोजेको, खोजेको र चाहेको मान्छेको गुण कस्तो हुन्छ भन्ने कुरा गीतमा समेटिएको छ।
केशवराज भट्टले निर्देशन गरेको गीतको भिडिओमा गीतकार, संगीतकार, संगीत संयोजक, गायक गायिकालाई देख्न सकिन्छ।
तर्जेन लिम्बुले छायांकन गरेको म्युजिक भिडिओलाई दिन्सन शाहले सम्पादन गरेका हुन्।
