गायक प्रताप दास र मिलन नेवारको स्वरमा नयाँ गीत सार्वजनिक भएको छ।
बिहीबार द्रिप चाम्लिङ युट्युब च्यानलमार्फत 'सक्दिनँ तिमी बाहेक' बोलको गीत सार्वजनिक गरिएको हो। द्रिप चाम्लिङको शब्द रहेको गीतमा अर्जुन पोखरेलले संगीत भरेका छन्।
राजेश पुमा राईले निर्देशन गरेको म्युजिक भिडिओमा निराजन प्रधान र करिश्मा श्रेष्ठ फिचर्ड छन्। यो गीत मुस्ताङमा खिचिएको हो।
उत्सव दाहालले छायांकन गरेको गीतको भिडिओलाई विकास दाहालले सम्पादन गरेका छन्। गीतको भिडिओमा राज दोङ आरडीको सहायक निर्देशन, असिम रानाभाटको स्टाइल, अस्मिता राईको मेकअप, प्रेम रसाइलीको कोरियोग्राफी र दीपेन्द्र गौतमको प्रोडक्सन छ।
