सांगीतिक ब्याण्ड एक्सिसले चार सहरमा कन्सर्ट गर्ने भएको छ।
'एक्सिस नेपाल टुर' नाम दिइएको ब्याण्डको कन्सर्ट ललितपुर, भक्तपुर, दमक र काठमाडौंमा हुन लागेको हो।
कन्सर्टको सुरूवात ब्याण्डले आउँदो शनिबार अर्थात नोभेम्बर ४ मा ललितपुरको अपटाउन झम्सिखेलबाट गर्नेछ। ब्याण्डका अनुसार कन्सर्ट हेर्न चाहने दर्शकले इ-सेवाबाट टिकट लिन सक्नेछन्।
पोजेटिभ भाइब्स इन्टरटेनमेन्ट नेटवर्क (पिभिइ नेटवर्क) को प्रस्तुति रहने कन्सर्टमा ब्याण्डले 'तिमी फेरि आउन, अधुरो प्रेम, मुस्कान, मेरो प्रेम, हे मोरी, सात समुन्द्र र घर गाउँ' लगायतका गीत सुनाउनेछ।
दसैंअघि एक्सिसले पोखरा, चितवन, बुटवल र झापामा कन्सर्ट गरेको थियो। कन्सर्टमा एक्सिसले पछिल्लो रिलिज 'पाइला' पनि दर्शकलाई सुनाएको थियो।
