कुनै समयका चर्चित अभिनेता जीवन लुइँटेल नाटक अभिनयका लागि नेपालमा छन्।
लामो समयदेखि अमेरिकामा बस्दै आएका उनी काठमाडौं आएर नाटक रिहर्सलमा व्यस्त बनेका छन्।
कान्तिपुर थिएटरले मञ्चन गर्न लागेको नाटक 'शिरीषको फूल' को शीर्ष भूमिकामा जीवनले अभिनय गर्न लागेका हुन्। पारिजातको चर्चित उपन्यासमा आधारित नाटकमा उनी उपन्यासको मुख्य पात्र 'सुयोगवीर' को भूमिकामा देखिनेछन्। जीवन यो नाटकमार्फत ७ वर्षपछि अभिनयमा फर्किन लागेका हुन्।
नाटकमा अभिनेत्री सनिशा भट्टराईले 'सकम्बरी' को भूमिका निर्वाह गर्दैछिन्। चर्चित मोडल तथा अभिनेत्री सनिशाले नाटकमा डेब्यु गर्न लागेकी हुन्।
त्यस्तै, नाटकमा राज न्यौपानेले 'शिवराज' को भूमिकामा अभिनय गर्दैछन्।
कान्तिपुर थिएटरमा अहिले कलाकारहरूको रिहर्सल चलिरहेको छ। थिएटर प्रमुख प्रकाश पुरीका अनुसार साउन ८ गतेदेखि यो नाटक मञ्चनको तयारी छ।
नाटकको निर्देशन कान्तिपुर फिल्म एकेडेमीकी विद्यार्थी पत्रिका घिमिरेले गर्दैछिन्।
-copy-1745411477.jpg)
-1746009348.jpg)
