सुनसरी क्षेत्र नम्बर १ मा राष्ट्रिय स्वतन्त्र पार्टीकी उम्मेद्वार गोमा तामाङले ५०७४ मतसहित अग्रता जोगाउन अहिलेसम्म सफल भएकी छन्।
मत गणना जारी रहेको सुनसरी १ मा प्राप्त ताजा परिणाम अनुसार तामाङ जसपाका उम्मेद्वार अशोक राईभन्दा ५०७ मतले अघि छन्।
जसपाका राईले ४५६७ मत पाएर उनलाई पछ्याइरहँदा सत्ता गठबन्धनका माओवादी उम्मेद्वार मुक्सामहाङ्ग सुब्बा ४४०२ मतसहित तेस्रोमा छन्।
एमालेका बागी उम्मेद्वार मनोज कुमार मेयाङ्गबोको ३६९६ मत आएको छ। यहाँ एमालेले जसपाका नेता राईलाई समर्थन गरेको छ।
