सिजन सुरू भएसँगै बजारमा तरकारीको भाउ सस्तिएको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक हेर्ने हो भने कालीमाटीमा तराई सेतो मुला, भन्टा, तोरीको साग र ब्रोकाउली प्रतिकिलो थोक मूल्य न्यूनतम २० रूपैयाँमा बिक्री भइरहेको छ।
अहिले बजारमा उल्लेख्य रूपमा तरकारी आएकाले मूल्य घटेको नेपाल फलफूल तथा तरकारी व्यवसायी संघका पूर्व अध्यक्ष खोम प्रसाद घिमिरेले जानकारी दिए।
अहिले बजारमा काठमाडौं उपत्यकासँगै तराई र भारतीय तरकारीहरू पनि आएका छन्।
थोक मूल्य घटेसँगै खुद्रा मूल्य पनि घटेको छ।
बजारमा गोलभेडा, बन्दा, काउलीको लगायतका तरकारी सस्तो मूल्यमा बिक्री भइरहेको छ।
