नेपालमा एमजीका अधिकृत वितरक प्यारामाउन्ट मोटर्स प्रालिले दसैं, तिहार र छठ पर्वलाई लक्षित गरी विशेष योजना ‘मोरिस गराजेज पाथ्स अफ स्माइल’ सार्वजनिक गरेको छ।
यस अफर अन्तर्गत ग्राहकहरूले ४ लाख रूपैयाँसम्मको छुट, निशुल्क कम्प्रिहेन्सिभ अटो प्लस इन्सुरेन्स तथा निशुल्क ३ किलोवाट वा ७ किलोवाट चार्जर प्राप्त गर्ने छन्।
एमजीका लोकप्रिय मोडलहरू– एमजी–४ इभी, एमजी कमेट इभी, एमजी जेडएस इभी, एमजी एसएच इभी, एमजी विन्डसर इभी र एमजी आइएमट इभी खरिद गर्दा यी सुविधा उपलब्ध हुने कम्पनीले जनाएको छ।
यो अफर भदौ ६ गतेदेखि कार्तिक १० गतेसम्म लागू हुनेछ। त्यस्तै, ग्राहकले एमजीका नक्साल तथा थापाथलीस्थित शोरूमबा६ खरिद गर्न सक्नेछन्।
यो योजनामार्फत ग्राहकलाई आकर्षक छुट, निशुल्क इन्सुरेन्स र सजिलो चार्जिङ्ग सुविधासहित विशेष अनुभव दिन खोजिएको प्यारामाउन्ट मोटर्सका महाप्रबन्धक सुनिल बहादुर क्षेत्रीले बताए।
‘पर्वहरू खुसी, एकता र उत्सवको समय हुन्। ‘पाथ्स अफ स्माइल’ योजनामार्फत हामी ग्राहकलाई आकर्षक छुट तथा सुविधा दिन चाहन्छौं,’ उनले भने।
कम्पनीका अनुसार यस योजनाले नेपालमा एमजीलाई प्रिमियम र ग्राहक–मैत्री ब्रान्डको रूपमा थप मजबुत बनाउनेछ।
पर्वमा गाडी खरिद गर्न चाहने ग्राहकका लागि यो उपयुक्त अवसर हुने कम्पनीले विश्वास व्यक्त गरेको छ।
-1756036176.png)
-1746009348.jpg)
