एनआइसी एशिया बैंकको १० गुणासम्म रकम प्राप्त हुने मुद्दती योजना साउन मसान्तसम्म लागु हुने

सेतोपाटी संवाददाता

काठमाडौं, साउन १

एनआइसी एशिया बैंकको १० गुणासम्म रकम प्राप्त हुने 'एनआइसी एशिया सर्वश्रेष्ठ १० गुणा मुद्दती योजना' साउन मसान्तसम्मका लागि लागु हुने भएको छ।

बैंकले गत असार १२ गतेदेखि असार मसान्तसम्मको लागि निक्षेपको १० गुणासम्म प्राप्त हुने उक्त योजना सार्वजनिक गरेको थियो। योजना व्यक्तिगत, संस्थागत एवम् रेमिटेन्स ग्राहकहरू लक्षित छ। ग्राहकहरूको रुची एवम् चासोलाई मनन गर्दै बैंकले यस योजनालाई साउन मसान्तसम्मका लागि निरन्तरता दिने घोषणा गरेको हो।

यस योजनामा निक्षेपकर्ता ग्राहकहरूले ५ वर्ष १० महिनादेखि १९ वर्ष १० महिनासम्म मुद्दती खातामा रकम जम्मा गरे अनुसार दुई गुणादेखि १० गुणा सम्म निक्षेप रकम फिर्ता पाउन सक्नेछन्। साथै, आफूले निक्षेप गरेको रकम र पाकेको ब्याज गरी कुल रकमको ८० प्रतिशत बराबर कर्जा समेत लिन सक्नेछन्।

योजनाको विभिन्न प्रकारहरूलाई निम्नानुसार तालिकामा देखाइएको छः

योजना	व्यक्तिगत	संस्थागत	रेमिटेन्स
२ गुणा	६ वर्ष ४ महिना २५ दिन	७ वर्ष २ महिना २७ दिन	५ वर्ष १० महिना १४ दिन
३ गुणा	१० वर्ष २ महिना १४ दिन	११ वर्ष ८ महिना ९ दिन	९ वर्ष ४ महिना १० दिन
४ गुणा	१२ वर्ष ११ महिना २ दिन	१४ वर्ष १० महिना २९ दिन	११ वर्ष १० महिना ७ दिन
५ गुणा	१५ वर्ष ० महिना १३ दिन	१७ वर्ष ५ महिना ९ दिन	१३ वर्ष ९ महिना १५ दिन
६ गुणा	१६ वर्ष ९ महिना ६ दिन	१९ वर्ष ६ महिना ७ दिन	१५ वर्ष ४ महिना १७ दिन
७ गुणा	१८ वर्ष २ महिना २४ दिन	२१ वर्ष ३ महिना १३ दिन	१६ वर्ष ८ महिना २१ दिन
८ गुणा	१९ वर्ष ६ महिना १ दिन	२२ वर्ष ९ महिना २६ दिन	१७ वर्ष १० महिना २० दिन
९ गुणा	२० वर्ष ७ महिना १५ दिन	२४ वर्ष २ महिना ५ दिन	१८ वर्ष ११ महिना १ दिन
१० गुणा	२१ वर्ष ७ महिना १७ दिन	२५ वर्ष ४ महिना २३ दिन	१९ वर्ष १० महिना २ दिन

यसअघि बैंकको ५ वर्षसम्म कुल ८४ लाखसम्मको बीमा सुनिश्चित गर्ने अतुलनिय फाइदाहरूसँगै सर्वाधिक उच्च ब्याजदर, तीन बीमा सम्बन्धी सर्वश्रेष्ठ फाइदाहरू, तीन कर्जा सम्बन्धी फाइदाहरू र १८ अन्य अतुलनीय सर्वश्रेष्ठ फाइदाहरू गरी कुल २४ सर्वश्रेष्ठ फाइदाहरू रहेको ‘सर्वश्रेष्ठ बचत खाता’ योजना सञ्चालनमा ग्राहकहरूको उत्साहजनक सहभागिता रहेको बैंकको भनाइ छ।

हाल बैंकले देशभर रहेको आफ्तो ३५९ शाखा कार्यालयहरू, ४७३ एटिएम, १०२ वटा विस्तारित काउन्टर एवम् ८१ वटा शाखा रहित बैंकिङमार्फत् ग्राहकहरूलाई बैंकिङ सेवा उपलब्ध गराइरहेको छ।

प्रकाशित मिति: आइतबार, साउन १, २०७९ १२:१७

सिफारिस